ОПЕК+ елдері мұнай өндіруді азайту келісімін 2024 жылдың соңына дейін ұзартады

ОПЕК+ елдері Венада өткен кездесуде төмендеп бара жатқан энергия бағасын қолдау үшін мұнай өндіруге шектеуді келесі жылдың соңына дейін ұзартуға келісті.

2024 жылдың 1 қаңтары мен 31 желтоқсаны аралығында келісім елдеріндегі мұнай өндірудің жалпы көлемі - тәулігіне 40,46 миллион баррель. Бұл қазіргіден 1,4 миллионға аз.

Әр елдің өз квотасы белгіленген. Ресей үшін бұл тәулігіне 9,828 миллион баррель, Сауд Арабиясы үшін — 10,478 миллион.

Мәскеу және Эр-Рияд - ОПЕК + қатысушылары арасындағы ең ірі мұнай экспорттаушылар.

Ангола мен Габон делегаттары кездесу кезінде ұйымның штаб-пәтерінен шығып кеткен.

The Wall Street Journal хабарлауынша, іс жүзіндегі одақ жетекшісі - Сауд Арабиясы Африканың шағын елдерінің мұнай өндіру квотасын азайтуға шақырған.